Qazaqstan Respýblıkasy Ulttyq Banki Basqarmasynyń qaýlysy  №200

2015 jylǵy 30 qazan, Almaty qalasy Qazaqstan Respýblıkasynyń keıbir normatıvtik quqyqtyq aktilerine bank qyzmetin retteý máseleleri boıynsha ózgerister men tolyqtyrý engizý týraly Qazaqstan Respýblıkasynyń ekinshi deńgeıdegi bankterdiń qyzmetin retteıtin normatıvtik quqyqtyq aktilerin jetildirý maqsatynda Qazaqstan Respýblıkasy Ulttyq Bankiniń Basqarmasy qaýly etedi: 1. «Kredıtteý jónindegi qujattamasyn júrgizý erejesin bekitý týraly» Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń 2007 jylǵy 23 aqpandaǵy №49 qaýlysyna (Normatıvtik quqyqtyq aktilerdi memlekettik tirkeý tiziliminde №4602 tirkelgen, 2007 jylǵy naýryz-sáýirde Qazaqstan Respýblıkasynyń ortalyq atqarýshy jáne ózge de ortalyq memlekettik organdarynyń aktiler jınaǵynda jarııalanǵan) mynadaı ózgerister engizilsin: kórsetilgen qaýlymen bekitilgen Kredıtteý jónindegi qujattamasyn júrgizý erejesinde: 29-tarmaq mynadaı redaksııada jazylsyn: «29. Bankter sındıkaty sındıkattalǵan qaryzdy berý kezinde osy Erejeniń 8, 10, 11, 12, 13 jáne 14-tarmaqtarynda kózdelgen kredıtteý jónindegi qujattama túpnusqada agent-bankte jáne kóshirmeler túrinde sındıkattalǵan qaryzǵa qatysýshy bankterde saqtalýǵa jatady. Kepil berýshiniń kepilge salynǵan múlikke menshik quqyǵyn (sharýashylyq júrgizý, jedel basqarý quqyǵyn) rastaıtyn quqyq belgileýshi qujattardyń túpnusqalary jáne qabyldanǵan qamtamasyz etý boıynsha basqa qujattardyń túpnusqalary sındıkattalǵan qaryzǵa qatysýshy bankterdiń birinde, sındıkattalǵan qaryzǵa qatysýshy basqa bankterde - kóshirmeler túrinde saqtalady.»; 31-tarmaq mynadaı redaksııada jazylsyn: «31. Kredıttik monıtorıngti jáne osy Erejeniń 25-tarmaǵynda kózdelgen kredıttik monıtorıng boıynsha qujattamany qalyptastyrýdy agent-bank júzege asyrady, ol monıtorıng esebiniń kóshirmelerin sındıkattalǵan qaryzǵa qatysýshy barlyq bankterge jiberedi.». 2. «Banktik zaem shartynyń mindetti talaptarynyń tizbesin bekitý jáne Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý agenttigi Basqarmasynyń «Kredıtteý jónindegi qujattamasyn júrgizý erejesin bekitý týraly» 2007 jylǵy 23 aqpandaǵy №49 qaýlysyna tolyqtyrýlar men ózgerister engizý týraly» Qazaqstan Respýblıkasy Qarjy naryǵyn jáne qarjy uıymdaryn retteý men qadaǵalaý jónindegi agenttigi Basqarmasynyń 2011 jylǵy 28 aqpandaǵy №18 qaýlysyna (Normatıvtik quqyqtyq aktilerdi memlekettik tirkeý tiziliminde №6877 tirkelgen, 2011 jylǵy 31 mamyrda «Egemen Qazaqstan» gazetinde №226-227 (26625) jarııalanǵan) mynadaı ózgeris pen tolyqtyrý engizilsin: 2-tarmaqtyń 9) tarmaqshasy mynadaı redaksııada jazylsyn: «9) banktik qaryzdy ıslam banki bergen jaǵdaıda – Bankter týraly zańnyń 52-8, 52-9, 52-10 jáne 52-12-baptarynda kórsetilgen talaptar;»; mynadaı mazmundaǵy 10-1-tarmaqpen tolyqtyrylsyn: «10-1. 10-tarmaǵynyń birinshi bóligin qospaǵanda, osy qaýlynyń talaptary sharttyń shet memlekettiń quqyǵymen retteletindigi kózdelgen, Qazaqstan Respýblıkasynyń beırezıdentteri bolyp tabylatyn kredıtor bankterdiń qatysýymen sındıkattalǵan qaryz berý jónindegi sharttarǵa qoldanylmaıdy.». 3. Baqylaý jáne qadaǵalaý ádisnamasy departamenti (Ábdirahmanov N.A.) zańnamada belgilengen tártippen: 1) Quqyqtyq qamtamasyz etý departamentimen (Dosmuhambetov N.M.) birlesip osy qaýlyny Qazaqstan Respýblıkasynyń Ádilet mınıstrliginde memlekettik tirkeýdi; 2) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde «Qazaqstan Respýblıkasy Ádilet mınıstrliginiń respýblıkalyq quqyqtyq aqparat ortalyǵy» sharýashylyq júrgizý quqyǵyndaǵy respýblıkalyq memlekettik kásipornynyń «Ádilet» aqparattyq-quqyqtyq júıesinde resmı jarııalaýǵa jiberýdi; 3) osy qaýly resmı jarııalanǵannan keıin ony Qazaqstan Respýblıkasy Ulttyq Bankiniń resmı ınternet-resýrsyna ornalastyrýdy qamtamasyz etsin. 4. Halyqaralyq qatynastar jáne jurtshylyqpen baılanys departamenti (Qazybaev A.Q.) osy qaýlyny Qazaqstan Respýblıkasynyń Ádilet mınıstrliginde memlekettik tirkelgennen keıin kúntizbelik on kún ishinde merzimdi baspasóz basylymdarynda resmı jarııalaýǵa jiberýdi qamtamasyz etsin. 5. Osy qaýlynyń oryndalýyn baqylaý Qazaqstan Respýblıkasynyń Ulttyq Banki Tóraǵasynyń orynbasary Q.B. Qojahmetovke júktelsin. 6. Osy qaýly alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Ulttyq Bank Tóraǵasy Q.KELIMBETOV Buıryq Qazaqstan Respýblıkasynyń Ádilet mınıstrliginde 2015 jylǵy 10 jeltoqsandaǵy Normatıvtik quqyqtyq kesimderdi memlekettik tirkeýdiń tizilimine №12376 bolyp engizildi.